Petrit Bardhi, vëllai i viktimës
Droga është motivi i vrasjes në Sarandë e vëllait të zyrtarit të PS-së sot.
Këtë fakt e zbulon Ervin Salianji, Sekretari i Aksionit Qytetar në PD.
Sipas tij, droga mbetet alternativa e Ramës për vendin, e cila merr një tjetër jetë.
Deklarata e plotë e Sekretarit të Aksionit Qytetar në PD, Ervin Salianji
Viktima që u gjet i pajetë sot, është vëllai i administratorit të Kacinarit, i emëruar nga kryetari i Edi Ramës në Bashkinë e Mirditës, i cili e kishte kthyer banesën në magazinë droge, ku policia gjeti 424 kilogram kanabis me destinacion Greqinë.
Droga kalonte në Greqi pikërisht nga fshati Shëndëli në Sarandë, ku ka ndodhur vrasja.
Kjo është viktima e 6 e drogës, e këtyre muajve. Këto janë pasojat dramatike të alternativës së Edi Ramës për shqiptarët, që është kanabisi.
Kanabisi, alternativa e Ramës për vendin, kanabis voice alternativa e Ramës për rininë.
Edi Rama dhe Tahiri e tij e mohojnë dhe thonë se në Shqipëri s’ka drogë, por mediat më të rëndësishme të Europës raportojnë të alarmuara për kanabisin shqiptar, për përkeqësimin e situatës dhe për ngarkesat e përditshme që kalojnë kufirin.
Kanabisi vjen nga malet edhe përmes lumit, kanabisi ka zënë toka, pyje, kodra, ka zënë shtëpi e magazina, kanabisi po vret në Sarandë, Dukagjin, Korçë, Tepelenë, Vlorë, Kolonjë, e prapë Edi Rama thotë se s’ka drogë në Shqipëri, dhe se degën e fundit e kapi ai në një studio televizive.
Ky biznes kriminal me futjen masive, me shtrirjen masive, po sjell tension social, agresivitet tek të rinjtë, dhe pasiguri ekstreme.
Edi Rama dhe karteli i tij po fitojnë miliona euro, mbi rrënimin e vendit, mbi rrënimin e shoqërisë.
Kjo është një e keqe me të cilën shqiptarët s’mund të pajtohen. Është koha për një reflektim të thellë, për reagim popullor për ta ndalur rënien e Shqipërisë në këtë greminë.
Shqipëria më mirë pa Edi Ramën.
