Detaje të reja dalin pas përplasjes së një BMW X6, në tentativë për ti shpëtuar ndjekjes së policisë.
Mësohet se te automjeti i përplasur është gjetur një armë zjarri tip pistoletë e markës “Glock”.
Ngjarja ndodhi sot në rrugën “Sami Frashëri” kur shërbimet e policisë “Shqiponjat” i kanë bërë me shenjë për të ndaluar mjetit me targa AA 858 NS.
Drejtuesi i mjetit nuk i është bindur urdhrit të policisë dhe ka vazhduar rrugën me shpejtësi ku për pasojë mjeti me të dhënat e mësipërme në rrugën “Prokop Mima” është përplasur me një mur rrethues të një banese.
Drejtuesi i automjetit së bashku me dy shokët e tij që udhëtonin me të janë shoqëruar në ambientet e Drejtorisë Vendore të Policisë Tiranë për veprime të mëtejshme.
DETAJE/ Te X6 e përplasur me murin gjendet edhe një pistoletë
