Kreu i FRPD-së Belind Këlliçi në një analizë të thjeshtë të shifrave, ka denoncuar fiktivitetin në votimin për kreun e ri të FRESSH.
Sipas tij, nisur nga shifrat zyrtare, i bie që gjithë anëtarësia e PS-së të ketë dalë në votime për kreun e FRESSH…
Postimi i plotë i kreut të FRPD, Belin Këlliçi
Dhe çuditë nuk kanë të sosur!
Rezulton se 20 finalistët e FRESSH Voice kanë marrë së bashku mbi 70.000 vota. Shto dhe rreth 30.000 vota për konkurrentët e tjerë, në total na paskan votuar mbi 100.000 të rinj socialistë për kryetarin e tyre të ri.
Mesa mbaj mend, PS ka rreth 100.000 anëtarë. Pra me një logjike të thjeshte i bie që e gjithë Partia Socialiste na paska dalë në votime për kryetarin e FRESSH. Rrezik me qindra mijëra të rinj të tjerë do të jenë votues deri në fundin e garës. Me të vërtetë, nuk paskemi parë asgjë akoma…
