Te dashur miq, tashme jane boterisht te njohura vuajtjet e medha qe ka perjetuar, qe ne vitet me te hershme te vegjelise dhe te gjithe jeten ne vazhdim, Edi Rama nga kompleksi i Edipit, ne te cilin jam ndalur me gjeresisht ne shkrime te tjera.
Por problemi i tij me i tmerrshem dhe me i pakapercyeshem eshte kompleksi Saliut.
Ne kete kompleks te pashprese, Saliu e ndjek ate ne cdo minute zgjuar apo ne gjume, ne cdo takim paperjashtim duke filluar nga takimet me Milin e partise tek Samitet e NATO-s, ne çdo bisede me gazetare, biznesmene deri tek thashethemet ne kuzhine ne sarajet bunker te Surrelit, nga “fajin e ka Saliu” per çdo gje deri tek citimet e thenieve te Saliut, sikur te ishin fjale profeti ne te gjitha fjalimet e tij ne parlament, ne OKB, etj etj.
Kompleksi i Saliut e ngerthen jo vetem ne kriza psiqike por dhe ne cdo akt solemn! Keshtu dje, tek inaguronte HEC e Banjes, nje arritje madhore ne strategjine “Shiperia superfuqi e vogel e energjise ujore ne rajon”, investim prej 285 milione euro i kompanise Statkraft, njeshit boteror te fushes, Rama ne te gjithe fjalen e tij nuk iu drejtohej te pranishmeve, nuk iu drejtohej shqiptareve por Saliut dhe vetem SALIUT te ulur kembekryq ne psiqiken e tij ne formen e nje kompleksi te tmerrshem.
Keshtu si njeriu qe diten e inaugurimit te punimeve ne kaskaden e Devollit ne prill te vitit 2013, mbi bazen e nje marreveshjeje transparente midis qeverise time dhe kompanise, u kishte thene publikisht qytetareve te Gramshit se kjo eshte genjeshtra e radhes e Berishes dhe se kaskada nuk do ndertohet ndonjehere, do t’iu thoshte dje qytetareve se kishte probleme shperthyese sociale, zgjidhja e te cilave beri te mundur zbatimin e kontrates, paçka se vet kompania, nje kompani publike norvegjese, i kishte zgjidhur ato me komunitetin dhe cdo individ pa ndihmen e Saliut, qe para se te inaguronte fillimin e punimeve tre vjet me pare.
I kompleksuar per vdekje nga Saliu, i cili nuk i ndahet ne çdo rruge qe udheton ai, per te hedhur poshte akuzat e tij se nuk ke ndertuar tre vjet asnje km rruge, nga Gramshi tha dje EUREKA!! Keshtu, duke iu drejtuar gjithnje po dhe vetem Saliut u shpreh: “Per ndonjerin qe thote se ne tre vjet nuk ke ndertuar asnje km rruge i them se ja vetem ne kaskaden e Devollit jane ndertuar 97 km rruge.” Dhe mendoi se dha pergjigjen e duhur, por sapo me pa mua perseri i ngeci fjala ne gabzer. Ai po fliste jo si shefi i nje qeverie por thjesht se shefi i zyres se transportit te Devoll Allbania!
Kjo sepse keto 97 km rruge, jane ndertuar totalisht ne perputhje me marreveshjen, si pjese e projektit te ndertimit te Kaskades se Devollit nga kompania Statkraft, te domosdoshme per ndertimin e HEC-eve ne kete Kaskade. Pra Rama, i ngerthyer nga kompleksi i Saliut u serviri shqiptareve se vepra te tij jane rruget qe ndertoi kompania e huaj per realizimin e projekteve te saj. Madje, per hir te se vertetes, duhet thene se te vetmin “kontribut” qe kjo qeveri ka dhene ne ndertimin e ketyre 97 km rruge eshte ndryshimi i marreveshjes, sipas te ciles segmentin rrugor Grame-Cerrik do e ndertonte qeveria shqiptare me financim te kompanise norvegjeze, e cila sipas ligjit detyrohej te pergjigjej financiarisht per pasojat e permbytjes nga liqenet.
Ne marreveshjen e re qeveria, qe nuk ka ndertuar asnje km rruge te re ne tre vjet, ndertimin e segmentit rrugor Gramsh-Cerrik ja ngarkoi Kompanise duke i zgjatur me 5 vjet kohen e koncesionit te HEC-eve te kaskades se Devollit!
Miq, gjate vizites tjeter ne Gramsh, Rama do te thote se jo Statkraft por qeveria e tij ndertoi kaskaden e Devollit dhe kete jo vetem se ai beson genjeshtrat e tij por para se gjithash per t’ia mbyllur edhe njehere e mire gojen Saliut qe e ndjek çdo sekond, minute, ore, dite, jave,muaj, vit, dekade. Ai eshte i pashprese!
SALI BERISHA/ Edvini nga kompleksi i Edipit te kompleksi i Saliut!
