Në fjalën e tij në seancën e sotme plenare Kryeministri Rama ka befasuar me atë që ka thënë lidhur me largimin nga vendi të biznesmenit libanezo-amerikan Faad Mitri. Edhe për këtë ngjarje ai ka fajësuar ish Kryeministri Sali Berisha.
“Me vjen mirë që pasi flisni broçkulla ikni nga salla. Për ligjin në fjalë do shprehem më tutje. Sipërmarrësi që iku nga Shqipëria është prodhim dhe gabimi i qeverisë tënde. Ai më ka ardhur në zyrë dhe më ka folur për gjithë zvarritjet e mëdha që i ke bërë.
Ne ia zgjidhëm të gjitha problemet administrative por një gjykatëse del dhe jep një pronë brenda zonës së invesimit dhe kjo është bërë shkak për konfliktin. Ato goditje ata që ia dhanë ia dhanë sepse fuqinë e morën nga gjykatësit e tu dhe me reformën në drejtësi ne do e pastrojmë drejtësinë”, është shprehur Rama.
