Me debate të ashpra ka nisur që në fillimet e saj seanca e sotme plenare. Përvec protestave që jnë duke u zhvilluar jashtë ambienteve të Kuvendit. Në seancën e sotme parlamentare, kryeministri Rama i ka nisur replikat me deputeten e PDsë, Jorida Tabaku. Të cilës i është drjtuar i revoltuar dhe i ka folur ashpër.
Deputetja Tabaku e akuzoi qeverinë për nivel të ulët të investimeve të huaja dhe pas fjalës u largua nga seanca. Në foltore më pas shkoi kryeministri i cili teksa po fliste për investimet e 2016, pa që Tabaku u rikthye në vendin e saj, pasi ishte larguar. “Mirëseerdhe zonjë se me ty e kisha. Meqë fole për moral dhe fole se s’do doje të ishe ti në vendin tonë. Në fakt mua më vjen keq për vendin ku je ti. Me paturpërsinë më të madhe ngre gishtin e akuzës ndaj qeverisë. Një pyetje duhet ti bësh vetes ti: si ka mundësi që ndodh një gjë e madhe dhe Berisha nuk flet”, tha Rama lidhur me rrahjen e binzemenit te huaj.
Duke kërkuar fjalën për replikë, Tabaku u përgjigj: “Investimet e huaja direkte janë në vlerën e tyre më të ulët se viti i kaluar. Kjo megjithë modestinë dhe përulësinë, me aq sa mund ti njoh unë. Se fundja nuk kemi të gjithë shkollë për vizatim”, tha Tabaku.
