Ish-kryeministri Sali Berisha akuzoi sot në Parlament kryeministrin Rama se i ka marrë ryshfet kompanisë së biznesmentit Faadi Mitri, që la Shqipërinë pak ditë më parë pas rrahjes dhe kërcënimit në një rrugë kryesore në periferi të Tiranës.
Berisha bëri të ditur se në shtator të 2013, Rama i anuloi kontratën kompanisë së Mitrit, por ia ktheu prapë, pasi i mori ryshfetin.
“A nuk jeni ju që ia cuat investitorit me barrelë Eduard Ndocaj si doktor për ti thënë se edhe mua më kanë rrahur në itali dhe nuk është gjë kjo rrahje që të kanë bërë. Mos i ngatërro dy kohët, në kohën time, cdo vit investimet 38 mln dollarë në vit mesatarja, arritën në 1 miliardë në 4 vitet e e fundit. Ju po i përzini një nga një, a e di ti këtë kompani akti i parë që bëri Rama në shtator 2013 ishte anulimi, e anuluat, e rikthyer pasi i bëtë ryshfet, ia morët tani se doli ryshfet më i madh”- tha Berisha.
Lidhur me këtë cështje ka replikuar Kryeministr duke theksuar se qeveria ia zgjidhi të gjitha hallet biznesmenit libanez.
Rama th ase është takuar me biznesmenin në vitin 2013. “Pas zgjidhjes së problemeve pa pritur e pa kujtuar del dhe i jep dajak një gjykatëse që kthen në mënyrën më abuzive dhe të paimagjinueshme pronë brenda zonës së investimeve, e kthen pronën në korrik të këtij viti, që bëhet shkaku i shpërthimit të konfliktit. Kjo është e vëretëta dhe atë goditje atij, ata që ia dhanë ia dhanë sepse fuqinë e morën nga gjykatat e tua Sali dhe nga gjykatësit e tu Sali dhe nga sistemi I drejtësisë që ngritët të gjithë bashkë e që me reformën në drejtësi duam ta përmbysim jo vetëm në letër, por një orë e më parë me vetingun, ku si ajo gjykatësja që bën kthim prone me motiovacionin që ata që e marin pronën kanë korrur barin, e si të tjerë të dalin e të japin llogari”- tha Rama.
“Si ka mundësi që barbarizohet një sipërmarrës dhe Saliu nuk flet,- vijoi më tej Rama, duke shtuar se Saliu flet për çdo gjë, nuk lë shpifës dixhital pa e promovuar në atë tabelën e tij të shpifje, por për këtë nuk flet”, tha Kryeministri vetëm pak minuta pasi Berisha kishte shënë shpjegime rreth cështjes së biznesmenit libanez, Fad Mitri. Sipas Ramës, Berisha është I vetdënoncuar nga fakti që nuk ka hapur gojën.
Ndërkohë që Rama po mbante fjalën Berisha qeshte nga vendi I tij.
