Albina Ferko Nanaj këshilltarja e PDIU-së në bashkinë e Tiranës, ka zgjedhur ironinë për të sulmuar disa sjellje e qëndrime të fundit të qeverisë shqiptare.
“Qeveria po bën ato që premtoi se nuk do ti bënte. Ç’na duhet turizmi e bujqësia. Investitorëve u fusim një dru dhe i kthejmë mbrapsht”, ironizon këshilltarja e PDIU-së.
Postimi i plotë i Albina Ferko Nanaj në “Facebook”
“Problemi më i madh me qeverinë nuk është se nuk po bën ato që premtoi, por se po bën ato që premtoi se nuk do t’i bënte. Absurde sigurisht! E kam fjalën për ndryshimet që do lejojnë importimin e plehrave. Shto këtu edhe propozimet e sotme të dhomës së tregtisë për legalizim të kanabisit dhe shtëpive publike dhe ja ku u lulëzua Shqipëria. Shumë e thjeshte! S’kuptoj çfarë kemi pritur. Ç’na duhet turizmi e bujqësia. Investitorëve u fusim një dru dhe i kthejmë mbrapsht”.
