Një javë pas vrasjes së një 18 vjeçari në Pogradec pas një sherri banal në facebook janë publikuar pamjet e sherrit që çoi në tragjedinë. 18-vjeçari Fabio Hila u vra nga bashkëmoshatari i tij, Fabian Muçollari. Pamjet janë publikuar në “Jetaoshqejf” dhe duket se personat që po filmojnë i njohin autorin dhe viktimën pasi komentojnë ngjarjen.
Shihet në fillim sherri me karrige, më pas të pranishmit në lokal ngrihen dhe largohen me vrap, kurse autori rikthehet drejt viktimës me kallashnikov brenda pak minutave. Ky i fundit hyn në lokal dhe vret Fabio Hilën.Disa sekonda pas vrasjes, duket një person i tretë i veshur me të zeza, i cili mban kallashnikovin në duar (nuk dihet se si ka përfunduar arma në duart e tij). Në fund të videos, autori del nga lokali, i rrëmben kallashnikovin personit me të zeza dhe largohet me vrap.
Fabio Hila u vra më 13 shtator në Pogradec, pas një konflikti me Muçollarin, shkak i të cilit ishte një vajzë.
