Sarandë, denoncoi vjehrrin për ngacmim seksual por përfundon vetë në hetim

Një adoleshente ka denoncuar në polici vjehrrin e saj për ngacmim seksual. Por pas këtij denoncimi, gjithçka është kthyer kundër saj.
Ngjarja ka ndodhur dje në Sarandë.
Burimet zyrtare të policisë vendore bënë të ditur se E. H., vjeç 15, banuese në Sarandë, po ndiqet penalisht për akuzën “kallëzim i rremë”, Neni 305 i Kodit Penal.
Të njëjta burime saktësuan se E. H., ka bërë kallëzim të rremë për vjehrrin e saj shtetasin K. Xh., vjeç 59.
Ndërkohë, ende nuk janë të qarta motivet që e kanë shtyrë të renë të bëjë një denoncim të tillë, ndërsa mësohet se ajo është dërguar në Qendrën rezidenciale Vatra në Vlorë.