Ditë të vështira po kalon balerina e klubeve të natës, Kristjana Ibro ose siç njihet ndryshe me emrin “Kristjana Saxobeat”. Ajo u arrestua disa ditë më parë, pasi një biznesmen e akuzoi se i kishte vjedhur celularin “iPhone 6 plus”, ndërsa së fundmi ka thyer urdhrin e arrestit.
Policia njofton se e ka kapur Ibron jashtë banesës mbrëmjen e djeshme, ndërkohë që vuante masën arrest shtëpie.
“Më datë 11 shtator 2016, ora 19:30, në rrugën “Nikolla Lena”, u kap në flagrancë, jashtë ambienteve të banesës së saj, Kristiana Kastriot Ibro, e datëlindjes 4 janar 1998, banues në Tiranë, me arsim 12 klasë, sepse Gjykata e Tiranës, në datën datë 02 shtator 2016, i ka caktuar masën e sigurisë “arrest në Shtëpi”, për veprën penale të “Vjedhjes”. Materialet u referuan në Prokurorinë e Tiranës”, ka bërë të ditur Policia e Tiranës.
Ndërkohë, ditën e djeshme ajo ka postuar edhe disa foto me Noizyn, pasi ai e quajti “kokrra e idiotes”, duke thënë se di shumë gjëra për këngëtarin, ndaj është mirë që ai të mos flasë shumë, por mesa duket balerina po i pëson mbi kokë të gjitha veprimet e saj.
