Shtyhet seanca për Kastriot Ismailajn, brenda kafazit me xham nuk dëgjonte se ç’thuhej

Sot nisi seanca gjyqësore ndaj Kastriot Ismailaj, por ajo është shtyrë për shkak të problemeve me audion.
Në seancën e sotme do të dëshmonte Romeo Karaj, jurist i i Operatorit të Shpërndarjes së Energjisë Elektrike, dëshmitar i mbrojtur nga shteti në këtë proces.
Kastriot Ismailaj ka pretenduar se pas kafazit me xham nuk dëgjohet çfarë thuhet.
Kastriot Ismailaj akuzohet për “Mashtrim me pasoja të rënda” dhe “Pastrim të parave”, vepra këto të kryera në bashkëpunim me persona të tjerë. Sipas organit të akuzës, Ismailaj me anë të falsifikimit e mashtrimit ka arritur të përvetësojë nga kompania CEZ-shpërndarje rreth 5 milionë euro.