Agron Hysa specialist në Drejtorinë e Krimeve të Rënda në Policinë e Shtetit, ka shpjeguar në emisionin “Opinion” të Blendi Fevziut në TV Klan, të gjithë dinamikën e ngjarjes së Palasës, ku Jorgo Zani masakroi me hanxhar kushëririn e tij 12 vjeçar.
“Po të bëjmë një analizë, me datë 17 salla e drejt komandimit në Vlorë merr një informacion që një trup fëmijë është gjetur në rrugë.
Me vajtjen në vendngjarje sipas përshkrimit policia ka gjetur trupin e një fëmije mashkull. Kanë ndjekur gjurmët e gjakut dhe kanë shkuar në shtëpinë e Jorgo Zanit.
Më të vajtur i kanë bërë thirrje të hapë derën. Ai ka refuzuar dhe policia është futur me forcë dhe kanë gjetur kokën e fëmijës. Ka pasur edhe armë të ftohtë. Policia duke qenë përpara një situate të tillë ka ndërhyrë.
Nga ana e policisë Jorgo Zani ka qenë i identifikuar edhe më parë. Në bazë të ligjit për shëndetin mendor, të gjithë specialistët e zonës e kanë për detyrë të evidetojnë njerëzit me probleme të shëndetit mendor. Nuk është evidentuar si person i rrezikshëm”, tha ai ne studion e “Opinion”.
Eksperti i Policisë: Si e gjetëm Zanin në banesë me kokën e fëmijës së therur në duar
