Banorët e fshatit Pilafaj, kanë kapur në flagrancë administratorin e Tominit, Nuri Meda, në Dibër, duke blerë vota për kandidatin socialist Muharrem Rama.
Partia Demokratike denoncon se administratori u pikas nga vet banorët duke shpërndarë lekë për blerje votash. Banorët thonë gjithashtu se administratori socialist po blinte votat nën mbikëqyrjen e furgonit të policisë.
“Kapet nga banorët duke shpërndarë lek për blerje votash administratori i Tominit Nuri Meda se bashku me Shefki Ademi në makine X5 e zezë AA 909 KH nën mbikëqyrjen e furgonit të policisë së komisariatit me përgjegjës Robert Aga”, thotë Partia Demokratike.
Pas këtij incidenti, eksponentë të Partisë Demokratike që ndodhen në terren për të parandaluar rastet e blerjes së votës, pasi kanë marrë informacion se çfarë po ndodhte, kanë bërë denoncim në Prokurori ndaj administratorit Nuri Meda dhe ndaj shefit të komisariatit Robert Aga.
Sipas PD-së një rast tjetër për blerje votash ka ndodhur në fshatin Allabegaj, ku “blerësi” është Urim Becaj, djali i kryeplakut të fshatit.
Pas denoncimit të Partisë Demokratike duke akuzuar administratorin socialist të Tominit, Nuri Meda, se u kap në flagrancë nga banorët duke blerë vota në këmbim të parave nën mbikëqyrjen e policisë, ka reaguar ministri i Energjetikës Damian Gjiknuri, i cili është angazhuar në fushatën zgjedhore në Dibër. Sipas Gjiknurit, eksponentë të Partisë Demokratike po ushtrojnë terror ndaj tyre dhe po dhunohen.
“Hordhitë e PD me Bashën po ushtrojnë terror”, ka thënë ministri Damian Gjiknuri.
ZGJEDHJET NË DIBËR/ Incident, banorët kapin në flagrancë duke blerë vota adminstratorin e komunës dhe djalin e kryeplakut
