Meta: Qeveria edhe 2 – 3 muaj afat…, pastaj…!

Ilir Meta duket se i ka lënë një afat 2 -3 muaj afat mazhorancës, më saktë qeverisë, për çështje ku duhet të përqendrohet.
Për sa i përket bashkëpunimit pas këtij afati, ka bërë të ditur Meta, nuk duhet të përbëjë problem leximi i një marrëveshje ndryshe.
“Ka mjaft çështje ku duhet të përqendrohemi si maxhorancë dhe qeveri. Qendra e gravitetit edhe e së ardhmes ka të bëjë me ecurinë e këtyre 2-3 muajve, sidomos sa i përket reformës në drejtësi. Ne jemi në një komunikim të vazhdueshëm dhe bashkëpunues me zotin Rama. Është e rëndësishme të ecet me raportet institucionale mes dy forcave. Duhet të jenë më shumë institucionale…
… LSI do të sjellë ndryshime pozitive dhe do të jetë një forcë politike model në drejtim të integriteti, transparencës dhe çdo përpjekjeje që garanton ndershmëri maksimale për zgjedhjet që vijnë dhe në çdo zgjedhje që do të vijnë…
… Prioriteti im dhe i forcës politike që përfaqësoj është që këto 2-3 muaj të përqendrohemi tek reformat dhe sidomos tek ajo në drejtësi. Duhet të kemi parasysh që jemi duke bashkëpunuar me PS dhe ka nevojë për ta përmirësuar këtë bashkëpunim. A do të vijojë ky bashkëpunim? Përse jo?! Por ky nuk është një vendim. Duhet të mos kemi më problemin e leximit të një marrëveshje ndryshe. Koalicioni është një përgjegjësi përpara shqiptarëve dhe secili duhet të reflektojë për atë që i takon”, u shpreh Meta për Sokol Ballën në emisionin “Top Story” në TV “Top Channel”.