Meta: Në qoftë se reforma votohej pa opozitën do jepja dorëheqjen si kryetar Kuvendi

Kreu i Kuvendit Ilir Meta, ka bërë të ditur sonte se në rast se reforma për drejtësinë votohej pa opozitën, ai do të jepte dorëheqjen.
“Mund të ndodhte që PD të mos jepte konsensusin, ne do ta votonim reformën dhe nuk mund të qëndroja kryetar parlamenti pa opozitë. E kam atë integritet që e kam treguar kurdo kur gjërat nuk kanë funksionuar siç duhet. Ajo reformë duhej votuar dhe do të votohej, por nuk do të ishte kaq pa probleme sa ç’është tani”, u shpreh Meta për Sokol Ballën në emisionin “Top Story” në TV “Top Channel”.