Bankers ka vedosur të përpunojë në Shqipëri deri 65% të prodhimit të saj duke ndezur një dritë shprese për disa qindra punëtorë ë prej mujahs nuk janë paguar në rafineritë e naftës në Ballsh dhe në Fier.
Kompania do të marrë garanci pagese në advancë për ngarkesat e naftës bruto. Në përputhje me marrëveshjen, ngarkesat e naftës do të shiten gjatë periudhës 1 tetor 2016- 31 Dhjetor 2017.
Çmimi i naftës, sipas kësaj marrëveshjeje, bazohet në atë të eksportit duke zbritur kostot e transportit dhe tarifat portuale. IRTC, kompania me të cilën është bërë marrëveshja do të përpunojë naftën bruto në rafineritë vendase të Fierit dhe Ballshit. Pjesa tjetër e naftës së prodhuar nga Bankers do të vijojë të shitet në tregun e eksportit.
Bankers është i kënaqur të shohë ri-hyrjen si një punëdhënës në vend të rafinerisë vendase dhe mirëpret bashkëpunimin me Qeverinë Shqiptare, agjencitë e saj dhe IRTC për të zbatuar këtë marrëveshje.
Marrëveshja e Bankers Petroleum Ltd për rafinimin e naftës në vend ndërkaq është kuhstëzuar me miratimin nga Qeveria Shqiptare për programin e propozuar të shpimit të kompanisë për tremujorin e katërt 2016.
Ndërkaq kompnia është në pritje të vendimit të qeverisë kineze e cila aprovon blerjen e saj.
Transaksioni pritet të mbyllet brenda 30 Shtatorit 2016 dhe mbetet ende subjekt i miratimit nga Administrata Kineze e Këmbimit Valutor (SAFE).
