Misioni për drejtësinë i BE në Tiranë deklaroi se mirëpret miratimin e ligjit te vetingut duke e konsideruar atë shumë të rëndësishëm, në zbatim të ndryshimeve Kushtetuese të miratuara më 22 korrik.
Tashmë procesi i vlerësimit për prokurorët dhe gjyqtarët nuk ka asnjë pengese dhe pritet të nisë shumë shpejt.
“Me zbatimin e këtij ligji, do të fillojë një proces vleresimi për gjyqtarët dhe prokurorët, anëtarët e Gjykatës Kushtetuese dhe Gjykatës së Lartë, këshilltarët ligjor pranë gjykatës Kushtetuese dhe gjykatës së Lartë si dhe ndihmësit ligjor pranë gjykatave administrative dhe Prokurorisë së Përgjithshme. Procesi i vlerësimit do të bazohet në kontrollin e pasurive (pasuritë dhe burimi i tyre), kontrolli i figurës (lidhja më krimin dhe të inkriminuarit), dhe profesionalizmi i gjyqtarëve dhe prokuroreve (aftësitë profesionale). Ky ligj hap rrugën drejt rritjes së besimit të qytetarëve në drejtësi”, thuhet në njoftimin e Euralius.
Ligji u votua dje pa votat e opozitës e cila ka premtuar se do ta cojë ligjin në Gjykatën Kushtetuese. Nëse kjo do të ndodhë në ditët në vijim, atëherë zbatimi i këtij ligi do të vonojë deri në marrjen e një vendimi nga Gjykata Kushtetuese.
Ligji hyn në fuqi 15 ditë pas publikimit në fletoren zyrtare.
