Foto Ilsutruese
Një automjet në të cilin udhëtonin dy shtetas italianë është përfshirë nga flakët. Ngjarja ka ndodhur rreth orës 18:30, në aksin rrugor Himarë – Borsh, pranë vendit të quajtur “Qafa e Leros”.
Automjeti tip “Toyota”, me targë AA 662 JZ, ishte marrë me qira nga dy italianët. Për pasojë mjeti është djegur plotësisht.
Sipas policisë, të dy shtetasit italianë që udhëtonin në mjet, nuk kanë pësuar asnjë lëndim.
Shkak i ngjarjes dyshohet se ka qenë një shkëndijë elektrike e shkaktuar në lëvizje e sipër të këtij automjeti.
Policia ndërkohë po kryen veprimet e mëtejshme proceduriale.
