Një objekt do të shembet me shpërthim të kontrolluar në Tiranë, shpërthim i cili mund të kryhet ditën e enjte (24 gusht). Inspektorati Kombëtar i Mbrojtjes së Territorit, bën me dije se objekti do të shembet në kuadër të projektit të bulevardit të ri.
Njoftimi:Inspektorati Kombëtar i Mbrojtjes së Territorit do të shembë me shpërthim të kontrolluar një objekt të përbërë nga tri kulla. Lartësia e objektit mendohet të jetë rreth 30 metra. Specialistët e IKMT me mbështetjen e xhenierëve nga Ministria e Mbrojtjes, janë duke kryer procedurat e fundit para shpërthimit që mendohet të kryhet ditën e enjte. Në trupin e objektit, i cili do të shembet në kuadër të projektit të bulevardit të ri të Tiranës, do të hapen 120 vrima ku mendohet të vendosen 10 kilogramë lëndë shpërthyese C4.
