Kur kanë kaluar pesë ditë nga masakra në Palasë Himarë, autori i saj ka folur vetëm dy fjalë.
“E vrava se më mërziti,”i tha Jorgo Zani inspektorit të antikrimit që tentoi ta merrte në pyetje.
Më pas ka heshtur dhe askush nuk e ka dëgjuar të thotë diçka rreth krimit makabër.31-vjeçari është vendosur i vetëm në një qeli të paraburgimit të Vlorës.Nuk ka asnjë deklaratë të firmosur prej tij, pasi hetueset nuk kanë mundur t’i marrin asnjë rrëfim përveçse: “E vrava se më mërziti.”
Burimeve të policisë tregojnë se atij nuk i është vendosur asnjë mjekim.Por megjithatë gjatë gjithë kohës qëndron i heshtur dhe nuk ka treguar asnjë shenjë agresiviteti.
Pritet mbledhja e një komisioni, ku do të jenë edhe mjekë psikiatër, për të caktuar se ku do të vendoset në të ardhmen.Zani është diagnostikuar me çrregullime të personalitetit, ose siç është njohur kohët e mëparshme, është psikopat.
Ai ka qenë njëherë i shtruar në spitalin psikiatrik të Vlorës, sikurse edhe ne Greqi është trajtuar me antipsikotik.Momentin kur ai ka kryer krimin, nuk ka patur asnjë dëshmitar. Ai u kap nga policia, pasi i kishte prerë kokën 12-vjeçarit Andrea Zanit, djali të kushërirës së tij që jeton në Greqi.
Për shkak të përmasve tronditëse të ngjarjes, policia ende nuk ka shpjeguar mekanizmin e vrasjes, që besohet se është bërë me hanxhar.Minoreni mëngjesin e se enjtes doli nga shtëpia e gjyshes, ku kishte shkuar me pushime, kurse psikopati i kishte zënë pritë në një rrugicë lagjeje. Skenat e mëvonshme kanë qenë horror dhe kanibaliste.
