Lajmet nga burgu i Shën Kollit erdhën
të zeza. Një pëllumb i zi u kap duke transportuar drogë në burg. Deri më tash, si grabitqarë të pëllumbave njihen macet, nuselalet, dhelprat, minjtë, gjeraqina, skifteri etj. Por, Jo! Grabitqarët e pëllumbit të Shënkollit këtë herë ishte vetë SHKB-ja.
E mbërthyen!
Nuk hyri në punë as kombinacioni, as plan – masash, as përgjues të Interforcës. Duhej vetëm një çark për të kapur pëllumbin drogmen me qese kokaine në qafë.
Dhe u kap…
Nuk dihet se si do të vijojnë hetimet. Kush ua di gjuhën zogjve? Të panjohurat po i mundojnë inspektorët e SHKB-së. Pyetjet për qëndrën vinë lumë:
Do tu dërgohet të hetohet nga partnerët, apo do hetohet nga prokuroria jonë? Të pritet votimi i Vettingut, apo na del çështja nga afatet? Duhet gjetur fillimisht bashkëpuntorët apo të hetojmë zogun? Zakonisht pëllumbat fluturojnë çift. Ku është femra?
Një tezë u hodh për ta lëshuar e ndjekur me helikopter e Mimit…Por u penduan. Po sikur pëllumbi të ndalojë në ndonjë institucionet qëndror në Tiranë?
Kush e mban përgjegjësinë?
Një tjetër tezë ështe të konsultohen me Av. Ngjelën. Taku i njeh pëllumbat qysh nga koha e burgut të tij…
Duhet shpejtuar… na mbytën glasat!
