Rreth 10 vetë janë vrarë dhe mbi 60 kanë mbetur të lënduar pas një shpërthimi në Turqinë juglindore, të shtunën në darkë.
Guvernatori i Gaziantepit, Ali Jerlikaja ka deklaruar se bëhej fjalë për një sulm terrorist.
Një deputet i partisë në fuqi, AKP, të presidentit Erdogan, ka thënë se sipas të dhënave të para, sulmi duket se ka për autor Shtetin Islamik.
Thuhet se mes të vrarëve dhe të plagosurve ka shumë fëmijë dhe se sulmuesi është vrarë gjithashtu gjatë shpërthimit. Viktimat janë të gjithë nga pakica kurde në Turqi.
