Pak muaj më parë mediat britanike publikuan një video ku një pëllumb shihej që ndalonte në dritaren e një qelie dhe më pas largohej.
Bëhej fjalë për transportin e drogës nga jashtë burgut direkt dhe tek klienti në qeli.
Por kjo metodë duket se po aplikohet me sukses edhe në Shqipëri jo vetëm për burg por edhe për transport rutinë. Në Lezhë një pëllumb me 3 qese që kishin brenda 30 deri në 45 gram lëndë narkotike të lidhur në qafë ka vënë në lëvizje strukturat policore.
Pas konstatimit të rastit u njoftua komisariati i Policisë së Lezhës dhe SHKB për hetime të mëtejshme.
