Një person u arrestua nga policia në Tiranë pasi vodhi bllokuesin e gomave që policët bashkiakë i kishin vënë makinës së tij.
Njoftimi i policisë bën të ditur se dje në ora 20:00, u ndalua shtetasi Julian Allushi, 36 vjec,banues në Tiranë, sepse dy ditë më parë, ora 10:00, në Bulevardin “Bajram Curi‘’, përballë Martenitetit të Ri, ka vjedhur bllokuesin e gomave, të vendosur tek mjeti i tij tip “Chervolet”, me targa TR3364U, nga punonjësi i Policisë Bashkiake, E.Gj,38 vjeç banues në Tiranë.
Bllokuesit e gomave të policisë bashkiake janë shpesh jo vetëm pre e vjedhjes por edhe subjekt humori. Jo pak drejtues mjtetesh kanë ndërruar gomën duke marrë me vete bllokuesin sëbashku me gomën e bllokuar. Vendosja e bllokuesit të bashkisë shoqërohet me burokraci të tjera për ta hequr pasi duhet të shkosh në bashki, të bësh pagesën, të marrësh një vertetim dhe të të vijë policia me celësin e zhbllokuesit.
Policët bashkiake rrinë gjithë ditën në gjurmim të makinave që parkojnë pranë kazanëve të plehrave, jashtë tabelave të parkimit dhe koët e fundit në vendparkimet e parashikuara për invalidët.
