Foto Ilustruese
Dy ngjarje të rënda, të lidhura midis tyre, kanë ndodhur sot, në dy vende të ndryshme.
Ndërsa një i dyshuar ka mbytur në një banesë në Golem një vajzë të re, vetë, më pas, ai është gjetur i vetëvrarë në Krutje të Lushnjes.
Burimet e policisë sqarojnë se, në Kavajë është gjetur e mbytur me litar në një apartament në katin e katër të një pallati, 29-vjeçarja Jonida Çanaku.
Ndërsa pas njoftimit, policia ka shkuar në vendin e ngjarjes dhe ka filluar procedurat e para hetimore, një informacion tjetër bënë të ditur se, i dyshuar i mbytjes së 29-vjeçares, është gjetur i vetëvrarë me një pistoletë në fshatin Krutje të Lushnjes.
Sipas policisë, ai është Sokrat Shani 65 vjeç, i cili ka lënë edhe një letër pranë turpit të vajzës.
Nga hetimet e deritanishme, ende nuk ka informacion për rrethanat e këtyre dy ngjarjeve, si dhe për motivet e tyre.
