Në një kronikë të transmetuar nga top Chanel ëshTë zbuluar dinamika që tregojnë kamerat e sigurisë të sekuestruara nga Prokuroria e Tiranës.
Një burim nga grupi hetimor shpjegoi për Top Channel se veprimet e dy grabitësve janë kryer gjatë datave 5 dhe 6 gusht. Kamerat tregojnë se fillimisht një person i maskuar shfaqet në objektin ngjitur bankës që dikur përdorej si lokal nate dhe së pari është ndryshuar brava e këtij biznesi.
Në ambientin e brendshëm të ish-lokalit nuk ka kamera të instaluara thanë burimet e për këtë referuar këqyrjes konstatohet se fillimisht grabitësit kanë hapur një tunel të vogël, por pasi kanë hasur në beton kanë rinisur hapjen e një tuneli tjetër të gjerë sa për të hyrë trupi i njeriut.
Një person i maskuar shfaqet duke hapur një tunel tjetër që të çon tek kasaforta e bankës, thonë burimet dhe veprimi i fundit i tyre është kryer në datën 6 gusht ku nga ora 23:13 deri në orën 23:19 minuta është kryer edhe boshtisja e kasafortës me 19 milionë lekë, të cilat ishin në valutë kryesisht dollarë dhe euro.
Prokuroria thotë se duke qenë se dhoma e kasafortës ka sistem sensorësh të instaluar, përveç kamerave, nga goditjet për hapjen e tunelit në dy raste, zyrtarët e bankës janë njoftuar në telefon se diçka po ndodhte.
Alarmi i parë ka mbërritur rreth orës 20:00 të mbrëmjes të së premtes në telefonin e drejtorit të bankës, tek shefi i sigurisë dhe te shoqëria që ruante objektin.
Kamerat tregojnë që ata shkuan në bankë dhe pasi këqyrin vendin dhe nuk konstatojnë asgjë largohen. Alarmi i sensorëve ribie në telefonat e tyre edhe mbrëmjen e të shtunës dhe sërish ata rikthehen në vendngjarje pa zbuluar asgjë.
Burimet thanë se mosveprimet e Luigj Gjonajt, drejtor i Bankës dhe shefit të sigurisë, Florian Skarra i dyshon ata për shpërdorim detyre e për këtë arsye ata janë arrestuar.
Në vendngjarje Prokuroria pohon se ka sekuestruar kriko, tuba metalike, fishekë brave të thyer, bidonë uji dhe bishta cigaresh që të gjitha të këqyrura dhe të dërguara për ekspertim gjurmësh në laboratorin e kriminalistikës.
Ndërkohë, një burim i besuar i Top Channel tha se ka hije dyshimi mbi dy persona, 33 dhe 28 vjeç, identitetet e të cilëve posedohen nga Top Channel, por nuk mund të bëhen publike për shkaqe hetimore.
Të dy këta persona janë kontigjentë në fushën e grabitjeve dhe njihen si specialistë në vjedhjet e kasafortave.
