Policia e Tiranës ka konfirmuar arratisjen e një shtetasi turk nga Aeroporti i Rinasit. Këtë e ka justifikuar me fluksin madh të lëvizjeve, ndërsa ka “shokuar” me “pretendimin” e ka dokumentet e tij.
Rinas.
Deklarata e plotë e Policisë së Tiranës
Sot më datë 08.08.2016 ka ardhur nga Stambolli për në Shqipëri shtetasi turk I. E.
Pas intervistimit nga Policia Kufitare, këtij shtetasi i është refuzuar hyrja për Shqipëri pasi nuk justifikionte qëllimin e udhëtimit.
Sipas procedurës ai u transferua përkohësisht në zonën e tranzitit deri në përfundim të procedurave për kthimin e tij në Stamboll.
Gjatë kohës që ky shtetas qëndronte në këtë zonë, duke përfituar nga fluksi i madh i pasagjerëve ka dalë duke kaluar tek zona e kontrollit të pasagjerëve dhe më pas ka hyrë ilegalisht në Shqipëri.
Dokumentet e identifikimit të shtetasit turk ndodhen tek oficeri i Policisë kufitare pasi oficeri po plotësonte dokumentacionin përkatës.
Gjithashtu theksojmë se motivi i refuzimit paraprak i hyrjes në Shqipëri ishte mungesa e arsyes bindëse të udhëtimit
Ky shtetas nuk rezulton person në kërkim apo me probleme me drejtësinë.
Vazhdon puna për sqarimin e plotë të rrethanave të ngjarjes si dhe kapjen e shoqërimin e shtetasit turk për ta dërguar drejt Turqisë.
