Kryeministri Edi Rama është tërhequr në mënyrë të përsëritur, këtë herë nga seanca e pretenduar për nesër e seancës plenare.
Tërheqjen e ka bërë sipas mënyrës së tij, duke tentuar “ti lërë faturën” opozitës…, por duke ju referuar edhe qëndrimit “hov-ndalës” të ambasadorëve të SHBA e BE, të cilët i kanë kujtuar se para datës 11 gusht 2016, nuk mund të diskutohet e miratohet asnjë prej 7 projektligjeve.
Tërheqjen kryeministri Edi Rama e ka lajmëruar vetë në “Facebook”.
“BE së bashku me SHBA-të kanë kërkuar miratimin e shpejtë të shtatë ligjeve, dhe të parin ligjit e vlerësimit (vetting), në mënyrë që të përshpejtohet zbatimi i paketës së Reformës në Drejtësi.
Kjo gjë i është bërë e ditur të gjithë udhëheqësve politikë, dhe Kryetari i Kuvendit Meta ka konfirmuar se si Kryetar i Kuvendit është i gatshëm të thërrasë mbledhjen e një seance të jashtëzakonshme të Kuvendit me të hyrë në fuqi Ndryshimet Kushtetuese (më 11 gusht), meqenëse krerët e grupeve parlamentare kanë rënë dakord për këtë”, është deklarata kthesë 180 gradëshe e Edi Ramës.
Prej ditësh, nëpërmjet kreut të komisionit Fatmir Xhafaj, Edi Rama bënte presion për mbledhjen e Kuvendit nesër, në një seancë për miratimin e projektligjit për “Vettingun”.
Nga an e tij, Fatmir Xhafaj “i zellshëm” deri edhe mesnatën e kaluar “ishte në punë” duke shpërndarë me e-maile drafte për “komisionerët”, që sot ti miratonin e nesër ti votonin. Jo vetëm kaq, por Fatmir Xhafaj aq i sigurt ishte mesditën e sotme se nesër do të kishte seancë parlamentare, sa “ia qau hallin” Ilir Metës se la për gjysmë vizitën në SHBA.
Rama tërhiqet sërish sipas mënyrës së tij, këtë herë nga seanca e nesërme parlamentare
