Mediat ndërkombëtare përmendin emrin e kryeministrit shqiptar Edi Rama, për “aferën” 80 mijë dollarëshe, në këmbim të një foto të tij me Presidentin amerikan, Barack Obama.
Lidhja e emrit të kryeministrit shqiptar, u bë pasi media prestigjioze në botë publikuan edhe lajmin se William Argeros u shpall fajtor si personi që kishte bërë të mundur financimin e 80 mijë dollarëve nga një donator i huaj në fushatën e presidentit Barack Obama në vitin 2012, duke shkelur ligjin federal të SHBA që ndalon financimet e huaja në fushata elektorale. Bashkë me William Argeros fajtor është shpallur edhe Bilal Shehu, personi që Rama e takoi në San Francisco në takimin elektoral të presidentit Obama.
Për këtë “aferë”, Bloomberg përmend emrin e kryeministrit shqiptar Edi Rama, si personin që pagoi 80 mijë dollarët për të bërë një foto me Obamën. Agjencia Bloomberg i referohet një shkrimi të Associated Press, e cila nga ana e saj citon akuzat e opozitës shqiptare.
Nga ana e tij, Kryeministri shqiptar ka thënë se e ka takuar Bilal Shehun si “anëtar të komunitetit shqiptar në Nju Jork”. Por opozita e akuzon se ai e përdori Bilal Shehun për të paguar paratë dhe për të marrë pjesë në takim, me qëllim që të bënte një foto me presidentin Obama. Këtë foto Rama e përdori në fushatën elektorale të vitit 2013 dhe i fitoi zgjedhjet.
Disa media të tjera të huaja e lidhin pagesën e paligjshme të 80 mijë dollarëve me kryeministrin shqiptar, Edi Rama. Vetë Rama i ka mohuar akuzat.
Ndërkohë, opozita shqiptare e ka paditur në prokurori për këtë çështje që në SHBA po hetohet nga FBI. Në SHBA, një kongresmen republikan, Danna Rohrabacher, i kërkoi FBI –së të hetonte rastin, përfshirë edhe Edi Ramën, që në atë kohë ishte kryetar i opozitës.
Për më shumë mund të lexoni edhe …
Dëshmitari amerikan tregon si u bë pagesa për fotografinë e Edi Ramës me Barack Obamën
/web/Deshmitari_amerikan_tregon_si_u_be_pagesa_per_fotografine_e_Edi_Rames_me_Barack_Obamen_22928_1.php
