Në seancën e djeshme parlamentar, kryeministri Edi Rama , vetëm konstatoi se ish-kryeministri Sali Berisha, për herë të parë e kishte parapërgatitur fjalimin e tij. Për sa i përket “brendisë” së fjalimit, për “të humburit” dhe të fituarit” nga miratimi i reformës në drejtësi, Rama nuk “guxoi” ti kthente përgjigje…, megjithëse më se një herë ai (Edi Rama), sipas Sali Berishës etiketohej “humbësi më i madh”…
… Por këtë e ka bërë sot…, 24 orë më pas…, duke u përgjigjur nga “Facebook”.
“Reforma në Drejtësi do të vazhdojë me ligjet kryesore që pasojnë reformën e miratuar kushtetuese dhe kërkojnë minimumi 84 vota. Ata që u dorëzuan përballë presionit të jashtëzakonshëm popullor e ndërkombëtar dhe presionit të brendshëm që krisi murin shurdh të Partisë Demokratike, do të vazhdojnë të rezistojnë në çdo hap e për çdo ligj të domosdoshëm për zbatimin e reformës kushtetuese. Por nuk kanë shans ta ndalin historinë e re të drejtësisë që ka nisur me hirin dhe me pahirin konsensual të 21 korrikut.
Shqipëria nuk është më ajo që ishte përpara votimit historik të së enjtes së shkuar; jo vetëm në sytë e Ëashingtonit, Berlinit e Brukselit, po edhe në sytë e komunitetit ndërkombëtar të investitorëve, vendi ynë ka fituar një besueshmëri të re. Votimi i 21 korrikut i ka hapur rrugë një reforme shembullore në drejtësi dhe vetingu me mbështetje ndërkombëtare (parashikuar në kushtetutë) i të gjithë gjykatësve e prokurorëve, i cili do të mundësojë si një operacion rrënjësor pastrimi nga maja e piramidës së korruptuar të gjyqësorit, i ka bërë të marrin frymë lirisht investitorët e mëdhenj. Këtë e konfirmoi sot vetë Presidenti i Bankës Europiane për Rindërtim e Zhvillim”, shkruan Edi Rama në rrjetin social.
“I humburi” Rama i përgjigjet Berishë pas 24 orësh…, në “Facebook”
