Një incident mes dy mjeteve ujore është regjistruar sot në brigjet e Karaburunit. Mësohet se dy mjete lundrimi janë përplasur mes tyre, por fatmirësisht pa pasojë në njerëz, duke shkaktuar vetëm dëme materiale. Incidenti ndodhi kur anija turistike “Black Pearl” në një manovër të gabuar ka zënë poshtë një mjet ujor. Mësohet se manovra ka zgjatur disa minuta dhe në fund gjithçka ka kaluar pa pasojë në njerëz por vetëm dëme materiale. Materiali filmik, i cili është siguruar nga gazetari i ‘News24’ në Vlorë Enrik Mehmeti shfaq pamje nga anija e përfshirë në incident. Pas lirimit të moratoriumit, është rritur shumë numri i mjeteve ujore, ndërkohë, fatmirësisht nuk ka pasur incidente të rënda me viktima në njerëz, për shkak të kontrolleve të rrepta të Policisë Kufitare.
Incident mes dy mjeteve ujore në Karaburun
