Strategji
A mund të jetojmë të lumtur me pak të ardhura ose me pak gjëra? Sipas shkrimtarit Dominique Loreau, po. Madje ai mbështet një filozofi të re, atë të jetuarit me shumë pak, në çdo aspekt. Kjo si për gjërat materiale, objektet e jetës së përditshme, ashtu edhe për marrëdhëniet njerëzore e ushqyerjen. Në raportet humane kihet parasysh dalja nga ato të mërzitshmet dhe mbytëset. Evektivisht në një pjesë të botës njerëzit jetojnë me aq shumë pak gjëra se për ne do të ishte e paimagjinueshme. Më poshtë do të njiheni me disa këshilla se si mund të jetoni mirë me pak mundësi.
Kujdesi për pamjen
Mjaftojnë disa xheste të vogla…një hidratim i mirë i lëkurës, për t’i dhënë asaj butësi dhe shkëlqim. Në mëngjes, fytyra, nëse pastrohet një natë më parë, nuk ka më nevojë të lahet me sapun, por me ujë të freskët. Kjo gjë përveçse ju zgjon, ju tonifikon e ju jep një pamje të rigjeneruar. Thojini “jo” trukut të ekzagjeruar.
Më pak veshje në dollap
Hiqni përfundimisht nga dollapi juaj veshjet që nuk i vishni më. Pra krijoni një mbajtës rrobash esencial. Ju do të dini çafrë të vishni dhe do të jeni më të qartë.
Pak nga pak
Kjo vlen si për punët e shtëpisë, ashtu edhe për impenjimet e përditshme. Është më produktive që të bëni disa gjëra pak nga pak se sa për një kohë të shpejtë.
Sa më pak objekte
Preferoni sa më pak objekte të përdorimit të përditshëm dhe në përmasa të vogla. Privilegjoni objektet praktike, që përveçse krijojnë më shumë hapsirë, janë më të menaxhueshme. Pra hiqni objektet e padobishme.
Vetëm detergjentët e duhur
Një detergjent efikas do t’ju kursej me siguri shumë kohë. Po kështu akoma më mirë që ai të ishte për përdorim të shumëllojshëm. Nëse doni të mos harxhoni për blerjen e tij, zgjidhni metoda natyrale pastrimi. Për shembull, lëngë limoni, sodë.
Maksimumi 30 ushqime
Kur të bëni pazaret zgjidhni vetëm 30 ushqimet që përdorni më shumë apo i shijoni më shumë. Mjafton që në shtëpi të keni disa ushqime bazë: peshk ton, makarona, oriz, bulmetra dhe pak fruta e perime. Më shumë cilësi dhe më pak sasi.
Ecni sa më shumë
Shfrytëzoni çdo rast për të lëvizur e sidomos për të ecur. Për shembull merrni shkallët në vend të ashensorit. Shmangni sa më shumë makinat. Vetë jeta është një lëvizje! Nuk keni pse të shkoni në palesër çdo ditë. Ju mund të ecni dhe të ndjeheni mirë. Mendja dhe trupi do t’ju falenderojnë.
Miqtë, pak por të mirë
Edhe në këtë aspekt duhet të bazoheni më shumë te cilësia se sa te sasia. Më mirë të kultivoni marrëdhëniet më domethënëse dhe të mos merreni më me ato sipërfaqsoret.
