Policia ka arrestuar mbrëmë në Qafë Thanë një këngëtare nga Shqipëria. Bëhet fjalë për Valbona Xeka e cila këndon në rrymat pop dhe popullore.
Njoftimi i policisë:
Më datë 22.07.2016 nga Shërbimet e Policisë Kufitare të Qafë-Thanës, në bashkëpunim me specialistët e Seksionit kundër Narkotikëve, u bë kapja dhe arrestimi në flagrancë i shtetases :
V. Xeka, 41 vjeç, banuese në fshatin Kameras- Fushë Krujë.
Arrestimi i saj u bë pasi, dje në dalje të Republikës së Shqipërisë, gjatë kontrollit të ushtruar nga punonjësit e Policisë, automjetit të saj tip “Mercedez-Benz”, me targë AA181ET, në një çantë personale, iu gjet e bllokua në cilësinë e provës materiale :
12 gram lëndë e dyshuar narkotike Cannabis Sattiva.
Materialet i kaluan Prokurorisë të Rrethit Gjyqësor Pogradec, për veprën penale : “Prodhimi dhe shitja e narkotikëve” parashikuar nga neni 283 i Kodit Penal.
