Knut Fleckenstein: Urime për miratimin, zbatimi s’do të jetë i lehtë

Raportuesi për Shqipërinë në Parlamentin Evropian, Knut Fleckenstein ka përshëndetur miratimin e reformës në drejtësi nga parlamenti shqiptar.
Fleckenstein duke falënderuar të gjithë palët që punuan për gjetjen e konsensusit, thekson se pas miratimit nis puna për zbatimin e ligjit.
“Zbatimi nuk do të jetë i lehtë, por me ndihmën e ndërkombëtarëve dhe me zgjimin e shoqërisë civile në Shqipëri, ndryshimi është i mundur”, shprehet Fleckenstein.
“Tani kolegët e mi në Parlamentin Evropian dhe unë, do t’i kërkojmë Këshillit Evropian që të vendosë për hapjen e negociatave për anëtarësim sa më shpejt të jetë e mundur”.