“Nuk kam asnjë mundësi tjetër të mbijetoj e të rris vajzën”. Kështu është justifikuar para policisë shqiptari 19vjeçar, i kapur nga policia italiane, pasi kultivonte hashash në tarracën e banesës.
Sipas mediave italiane, shqiptari, vetëm 19vjeç, është baba i një vajze të vogël dhe jetonte me të dashurën e tij italiane. Ai u arrestua në Perugia, pasi gjatë kontrollit në banesë, iu gjetën bimë narkotiuke kanabis të mbjellë në vazo në ballkon. Krahas tyre, në banesë iu gjetën edhe doza me hashash dhe marijuanë, 600 euro si edhe përzjerës dhe materiale për paketimin e drogës. “Jam i papunë dhe kjo eshte mënyra e vetme për të vazhduar përpara” mësohet të ketë thënë ai para policisë. Shqiptari u arrestua, kurse e dashura e tij akuzohet për kultivimin dhe posedim të substancave narkotike me qëllim trafikimi.
