Foto Ilustruese
Një sasi e konsiderueshme heroine është sekuestruar sot nga Policia Kufitare e Kakavijës. Mësohet se është prangosur edhe poseduesi i saj.
Burime të drejtorisë Vendore ët Policisë së Gjirokastrës, bëjnë të ditur se sasia e konsiderueshme e dyshuar si heroinë, prej 3 kilogramësh u sekuestrua gjatë kontrollit të një automjeti furgon, tip Benz “Vito”.
Policia saktëson se gjatë paradites së sotme gjatë kontrollit në vijën e dytë dhe me Skaner, nga Punonjësit e Policisë Kufitare , Skanerit dhe Antidroga është evidentuar një sasi prej 3 kg heroine, e cila ishte fshehur në kroskotin e makinës me targa AA 538 NM, me drejtues shtetasin Lulzim Bosnja nga Fieri.
Pas gjetjes së drogës,nga ana e policisë u bë prangosja dhe shoqërimi i poseduesit të dyshuar të saj, 39-vjeçarin Lulzim Bosnja.
Lënda narkotike dhe automjeti u sekuestruan në cilësinë e provës materiale.
Materialet do t’i kalojnë Prokurorisë së Krimeve të Rënda Tiranë për veprime të mëtejshme për veprën penale “Trafik ndërkombëtar i lëndëve narkotike”
Hetimet vazhdojnë edhe për identifikimin e mundshëm të lidhjeve të të arrestuarit.
Heroina e bllokuar sot
