Këshilli i Lartë i Drejtësisë ka nisur një kallëzim penal për ministrin e Brendshëm, Saimir Tahiri.
KLD zhvilloi sot mbledhje jashtë radhe, të thirrur nga Kryetari i Këshillit, Presidenti i vendit, Bujar Nishani, për të diskutuar lidhur me situatën e krijuar në sistemin gjyqësor, pas sulmeve të papranueshme, fyese dhe kërcënuese të ministrit të Punëve të Brendshme z. Saimir Tahiri, ndaj gjyqtarit Arjan Aliaj.
Gjatë diskutimeve, anëtarët e Këshillit, dënuan ashpër intimidimin që po i bëhet gjyqtarit z. Arjan Aliaj në veçanti por dhe trupës gjyqësore në tërësi, ku në përfundim, Këshilli vendosi të bëjë kallëzim penal pranë Prokurorit të Përgjithshëm, ndaj ministrit të Punëve të Brendshme z. Saimir Tahiri.
