Na ndajnë vetëm pak orë nga debutimi i Shqipërisë në Euro 2016, në ndeshje ndaj Zvicrës që do të nisë në orën 15:00 dhe që tani rrugët e Lensit, qytetit ku do të zhvillohet takimi, janë “pushtuar” nga shqiptarët.
Me flamuj e fanelat e kombëtares ata duken më entuziastë se kurrë më parë në mbështetje të kuqezinjve. Me këngë e valle tradicionale Lensi duket si një qytet shqiptar.
Stadiumi Bollart – Deleis po kryen edhe përgatitjet përfundimtare përpara se dy skuadrat të zbresin në fushë. Ndërkohë kudo nëpër rrugët e Lensit valëviten flamuj shqiptarë dhe dëgjohen këngë shqiptare në mbështetje të kombëtares tonë.
