Policia e Shkodrës ndaloi në doganën e Muriqanit dy persona në kërkim kombëtar.
Ata janë:
•Mikelano Karaj, 25 vjeç, banues në Mamurras.
•Sokol Cali, 42 vjeç, banues në Lezhë.
Ndalimi i Mikelano Karaj, 25 vjeç, banues në Mamurras u bë pasi u paraqit në Pikën Kufitare Muriqan, ku pas verifikimit rezultoi shtetas në kërkim për veprën penale “Moskallëzim krimi” parashikuar nga neni 300/1 i Kodit Penal nga Gjykata e Apelit Durrës.
Dorëzimi i këtij shtetasi u bë në Komisariatin e Policisë Durrës, pa probleme.
Ndalimi i Sokol Calit, 42 vjeç, banues në Lezhë u bë pasi u paraqit në Pikën Kufitare Muriqan, ku pas verifikimit rezultoi shtetas në kërkim i dyshuar për veprën penale “Vjedhja” parashikuar nga neni 134 i Kodit Penal.
Dorëzimi i këtij shtetasi u bë në Drejtorinë Vendore të Policisë Lezhë, pa probleme.
