Gjithë qeveria, shumica e deputetëve të parlamentit dhe të gjithë zyrtarët e lartë të administratës nuk janë në Tiranë. Kanë ikur në Francë ose ndërkohë janë në proces udhëtimi. Disa kanë telefonin në regjimin “airplane mode”.
Nuk kanë pasur problem biletat e shtrenjta nga Rinasi edhe pse rroga e tyre nuk është në atë nivel që do të lejonte shpenzime të tilla. Po ashtu nuk e kanë pasur problem edhe shpenzimet e hotelit dhe të restoranteve të qyteteve franceze ku do të zhvillohen ndeshjet e para të fundjavës.
Ata nuk janë tifozë por turistë. Shumica prej tyre shkojnë për herë të parë në stadium dhe ashtu sic ndodhi në ndeshjen mes Shqipërisë dhe Serbisë në Elbasan mund të na cojnë në humbje pasi nuk bëjnë tifozllëk.
