Protagonistë të një ngjarje të tmerrshme në Gremmensdorf të Gjermanisë, janë bërë një çift shqiptarësh nga Kosova. Gruaja 45-vjeçare, emri i të cilës nuk bëhet i ditur nga mediat, i ka derdhur në kokë bashkëshortit një tenxhere me vaj të nxehtë.
47-vjeçari ka qenë duke parë televizor shtrirë në divan, teksa ka ndjerë diçka të nxehtë ti përvëlonte fytyrën. Burri ka pasur djegie të shkallës së dytë dhe të tretë në fytyrë dhe atij i është dashur të qëndrojë tri javë e gjysmë në gjendje kome në një spital të Bohumit, ndërsa tashmë ndodhet jashtë rrezikut për jetën.
Gruaja pasi ndërmori këtë akt të rrezikshëm u largua menjëherë nga shtëpia, ndërsa mendohet se ajo vuan nga probleme mendore. Më vonë ajo u arrestua, ndërsa tashmë pritet vendimi i gjykatës së Landit.
Çifti nga Prishtina kishte kërkuar azil në Gjermani në vitin 1991. Pasi i kishin kthyer ata kishin ardhur sërish në vitin 1999 dhe kishin kërkuar azil sërish. ‘Jam sëmurur nga bombardimet gjatë luftës’, kishte thënë gruaja duke arsyetuar kërkesën për azil.
