Ambasadorja e BE-së në Tiranë ka treguar më se njëherë anësi në qëndrimet e saj për zhvillimet politike dhe institucionet e politikës në Shqipëri.
Opozita ia doli të shmangte një incident të krijuar me sa duket nga zyra e BE-së në Tiranë gjatë vizitës së Komisionerit për Zgjerimin të BE-së, Johannes Hahn në prill të këtij viti.
Axhenda e takimeve të Hahn parashikonte edhe takim me opozitën, por në versionin e parë të axhendës, ai do të kryhej me drejtues të partive opozitare në grup pa vecuar partinë kryesore të saj PD, ndërkohë që takimi do të kryhej në një hotel të Tiranës dhe jo në selinë e PD.
Axhenda qartësisht ishte nënvleftësuese për PD dhe po ashtu dilte jashtë cdo praktike të mëparshme të zyrtarëve të lartë të BE-së pavarësisht se kush ishte në opozitë pao kush ishte në pushtet.
Takimet e tyre janë zhvilluar gjithnjë me kreun e partisë së madhe te opozitës me të njëjtin skenar si me kryeministrin.
Ka qenë ndërhyrja e zyrtarëve të opozitës që përmbysi axhendën e mëparshme duke sjellë në normalitet takimet e Hahn edhe me përfaqësuesit e opozitës.
Pas korrigjimit të axhendës, takimi i Hahn me Bashën u zhvillua në selinë e PD-së dhe me delegacionin e kësaj partie.
Vlahutin ka qenë shpesh nën shënjestrën e kritikave të zyrtarëve të ndryshëm të PD-së për shkak të artikulimit të saj proqeveritar për shumë kontestime që ka në politikën shqiptare.
