Pas atentatit të sotëm në Elbasan, mësohet se të plagosurit, një djalë dhe një femër janë dërguar në spital dhe gjenden nën kujdesin e mjekëve në reanimacion.
Nga hetimet paraprake, identifikohet objektivi, i cili ka qenë Florenc Çapja, por që nuk ka qenë ai plagosuri nga të shtënat. Mësohet se i plagosuri ka qenë shoku i tij, Bledar Muça si edhe një punonjëse policie, e cila ka qenë viktimë aksidentale. Mësohet se policia ka gjetur armën, tip kallashnikov, të këtij atentati.
Atentati ka ndodhur ndaj automjetit me targa AA 284 FR, ku dyshohet se lëviznin Florenci dhe Bledari. I dëmtuar ka mbetur edhe një automjet tjetër me targa AA 997 NE.
Atentati në Elbasan pranë Gjykatës, dyshohet hakmarrje ndaj Çapajve. Florenc Çapja mbeti i plagosur edhe nga masakra në muajin shkurt të këtij viti.
Për më shumë mund të lexoni edhe …
Elbasan, sulm me breshëri kallashnikovi, plagosen dy persona pranë godinës së gjykatës e prokurorisë
/web/Elbasan_sulm_me_bresheri_kallashnikovi_plagosen_dy_persona_prane_godines_se_gjykates_e_prokurorise_20130_1.php
