Drejtoria Vendore e Policisë së Elbasanit ka dhënë versionin zyrtar të ngjarjes së ndodhur sot në këtë qytet, me pasojë plagosjen e dy personave.
Sipas policisë së Elbasanit, mësohet se sot, në afërsi të Gjykatës një shtetas ka qëlluar me armë zjarri.
Si pasojë janë plagosur lehtë dy persona, M. K., 49 vjeçe banuese në Elbasan, punonjëse policie, e cila është plagosur aksidentalisht, si dhe B. M., 37 vjeç banues në Elbasan.
Të dy personat u dërguan menjëherë në Spitalin Kirurgjik Elbasan dhe ndodhen jashtë rrezikut për jetën.
M. K., pasi mori ndihmën e parë mjekësore në Elbasan, u dërgua për mjekim më të specializuar në Tiranë.
Policia në vendngjarje, po punon për identifikimin dhe kapjen e autorit, ndërsa ka shoqëruar 15 persona si dëshmitarë dhe të dyshuar.
Atentati në Elbasan, policia shoqëron 15 persona si dëshmitarë dhe të dyshuar
