Mirditë, bie në kontakt me energjinë duke lidhur pompën e ujit, vdes 52-vjeçari

Burimet zyrtare të Drejtorisë Vendore të Policisë së Lezhës, bënë të ditur se një person ka gjetur vdekjen mbrëmjen e sotme, pas një kontakti me energjinë elektrike.
Sipas të njëjtave burime, mësohet se ngjarja ka ndodhur rreth orës 20:15 të mbrëmjes së sotme, në fshatin Zajs-Kurbnesh në Mirditë. Fatmir Cara, 52 vjeç, duke lidhur një pompë uji në afërsi të banesës, ka rënë në kontakt me energjinë  elektrike, e për pasojë ka gjetur vdekjen.
Grupi hetimor në vendngjarje  po kryen veprimet për zbardhjen e plotë të ngjarjes.