Kryetari i Bashkisë së Tiranës Erion Veliaj është marrë në pyetje në Prokurorinë e Tiranës në lidhje me kallzimin që është bërë ndaj tij ne lidhje me ndërtimin e parkut të lodrave, pranë liqenit artificial.
Burimet të organi të akuzës kanë bërë me dije se Veliaj është pyetur për bazën ligjor mbi të cilën është nisur ndërtimi i parkut dhe ndikimit që në mjedis. Kryetari i Bashkisë ka pohuar se kishin kërkuar një vlerësim konkret nga Ministria e Mjedisit, e cila konfirmonte se ndërtimi i parkut nuk kishte ndikim negativ në mjedis.
Veliaj është marrë në pyetje në mbasditen e së premtes ndërsa ka qënë i shoqëruar edhe nga nenkryetari i bashkisë Arbi Mazniku. Në lidhje me këtë hetim Prokuroria ka marrë në pyetje edhe persona të tjerë ndërsa pritet që javës që vjen organi i akuzës të marrë vendimin per fatin e dosjes, ndërsa sipas burimeve pritet mbyllja e saj.
Marrjen ne pyetje e ka konfirmuar edhe vete Veliaj, i cili gjate një reagimi në twiter, ka pohuar se kishte sqaruar prokurorinë se tashmë në këndin e lojërave nuk kishte as kafe as pallate.
Hetimet në lidhje me ndërtimin e parkut kanë nisur pas denoncimit të shoqërisë civile që kundërshtonte ndërtimin e këndit të lojërave në zonën e liqenit artificial në Tiranë. Ndërkohë në Gjykatën Administrative vijonë proceset civile.
