Ne foto, fshati Picar
Policia arreston në flagrancë 1 person për dhunë fizike ndaj vëllait të tij si dhe për “Kundërshtimin e urdhërit të punonjësve të policisë”.
Arrestohet shtetasi i quajtur:
Armando Filaj, 33 vjeç, banues në fshatin Picar – Vlorë (me gjendje gjyqësore i dënuar në vitin 2012 për veprën penale “Vjedhja”).
Arrestimi i këtij shtetasi u bë për arsye se dje Armando Filaj është konfliktuar për motive të dobëta me vëllain e tij shtetasin B.F., 30 vjeç duke ushtruar edhe dhune fizike ndaj këtij të fundit.
Pasi shërbimet e policisë kanë shkuar në banesën e shtetasit Armando Filaj, ky i fundit ka kundërshtuar urdhërin e punonjësve të policisë duke mos i’u bindur atyre për shoqërimin e tij në drejtim të ambienteve të Policisë Vlorë, për këto arsye u është kundërpërgjigjur duke ushtruar dhunë fizike ndaj 3 punonjesve të policisë (M.A, K.H, dhe H.M).
