VIDEO/ Arrestohet vlonjati me një pistoletë me mulli në çantën e shpinës

Policia e Vlorës arreston në flagrancë një person për posedimin e një arme zjarri pa leje.
Sipas burimeve të Policisë Vendore, mësohet se i arrestuari është Etmont Lamaj, 38 vjeç, banues në fshatin Trevllazër, Vlorë.
Arrestimi i tij u bë pasi policia e Vlorës në bazë të kontrolleve të ushtruara kundër personave që posedojnë armëmbajtje pa leje, me qëllim ruajtjen e rendit dhe të sigurisë së qytetarëve, ka bërë të mundur kapjen në flagrancë të tij, në rrugën nacionale Vlorë – Trevllazër.
Gjatë kontrollit fizik që i është ushtruar këtij shtetasi, Policia ka gjetur të fshehur në çantën e tij të shpinës, një armë zjarri pistoletë me mulli,  e cila është sekuestruar në cilësinë e provës materiale.
Shtetasi Etmont Lamaj, ka qenë i dënuar më parë për veprën penale “Vjedhje e mbetur në tentativë”.