Foto Ilustruese
Specialistët e Sektorit të Qarkullimit Rrugor, në Komisariatin e Policisë Cërrik, bënë arrestimin në flagrancë të Olsi Durri, 38 vjeç, banues në Elbasan.
Ky person, u arrestua nga efektivat e policisë, gjatë ditës së djeshme, pasi duke drejtuar mjetin e tij tip “KIA” me targa AA 034 B, në aksin rrugor Elbasan – Cërrik, është përplasur me mjetin tip “Land Rover”, me targa AA 777 EZ, drejtuar nga shtetasi G. XH., 45 vjeç, banues në Cërrik.
Si pasojë, janë aksidentuar lehtë 3 shtetaset, XH. H., 31 vjeçe, E. V., 19 vjeçe, të dyja banuese në Berat.
N. I., 31 vjeçe, banuese në Elbasan.
Tre shtetaset, ishin pasagjere në mjetin tip “KIA” me targa AA 034 B, të cilat u dërguan menjëherë në Spitalin Kirurgjik Elbasan dhe ndodhen jashtë rrezikut për jetën.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor” parashikuar nga neni 290 i Kodit Penal.
